ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ: 11 ⵏ ⵓⵙⴳⴳⵯⴰⵙ ⵏ ⵜⴷⵔⴰⵡⵜ ⵉ ⵜⴷⵉⵎⵓⵇⵔⴰⵟⵉⵜ
ⴰⵔ ⵜⴷⵔⵔⵓ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴳ ⵜⵙⵓⵜⵍⵜ ⵜⴰⵏⵎⵢⵓⵔⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⴳ ⵙⵜⵔⴰⵙⴱⵓⵔⴳ ⵙⴳ 10 ⴰⵔ 14 ⴽⵟⵓⴱⵕ 2022.
ⵉⵍⵍⴰ ⵓⵏⵎⵓⵇⵇⴰⵔ ⴰⴷ ⵍⵍⵉⵖ ⵔⴰⵏ ⵉⵡⴰⵏⴽⵏ ⵉⴳⵎⴰⵎⵏ ⴷ ⵉⵎⴷⵔⴰⵡⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰⴰⵙⵓⵊⴷ ⵏ ⵜⴼⵔⴽⴰ ⴷⴼⴼⵉⵔ ⵏ ⴽⵓⴼⵉⴷ, ⵍⵍⵉⵖ ⵓⵔ ⵜⵍⵍⵉ ⵜⴰⵏⵏⴰⵢⵜ ⵉⴼⴰⵡⵏ ⴳ ⵓⵙⴱⴷⴷⵉ ⵏ ⵓⵙⵓⵔⵙ ⵏ ⵓⴼⵔⴰ ⴳ ⵓⵎⴰⴹⴰⵍ.
ⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵎⴷⵔⴰⵡ ⵉ ⵜⴷⵉⵎⵓⵇⵔⴰⵟⵉⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵉ ⵓⴳⴳⴰⵔ ⵏ ⵜⵎⵔⴰⵡⵜ ⵏ ⵓⵙⴳⴳⵯⴰⵙ, ⵉⴳⴰ ⵏⵉⵜ ⴰⵏⴰⵡ ⵏ ⵉⵎⴷⵔⴰⵡⵏ ⵉⵎⴰⵢⵏⵓⵜⵏ ⵔⴰⵏⵉⵏ ⴰⵙⵉⴷⴼ ⵏ ⵓⵙⴰⵜⵉ ⴰⴷ ⴰⵎⴰⵢⵏⵓ ⵏ ⵓⵎⵢⴰⵡⴰⵙ ⵊⴰⵔ ⵉⵥⵥⵍⵎⴹ ⴷ ⵉⴼⴼⵓⵙ.
ⵍⵍⵉⵖ ⵣⵔⵉⵏ ⴽⵕⴰⴹ ⵉⵣⵣⵔⴰⵢⵏ ⵥⵉⵍⵏⵉⵏ, ⴰⵔ ⵉⵙⵡⵉⵏⴳⵉⵎ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴰⴽⴷ ⵉⵏⴳⵎⴰⵎⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴼ ⵉⵎⵏⴰⴷⵏ ⵏ ⵓⵙⵎⵖⵔ ⵏ ⵜⵎⴷⵔⴰⵡⵜ ⵏⵏⵙ ⵙ ⵜⵖⴰⵔⴰⵙⵜ ⵉⵣⵣⵉⴳⵣⵏ.
ⵉⴷⵔⵓ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ ⴷ ⵜⵙⵇⵇⵎⵉⵏ, ⵉⵎⴹⴰⴽⴰⵕ ⵓⵍⴰ ⴷ ⵉⴽⴰⴱⴰⵏ ⵢⴰⴹⵏⵉⵏ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ.