ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵙⵉⵡⴹ ⴼ ⵜⵙⵎⵓⵏⵉ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⴰⵎⴰⵡⵙⴰⵙ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⵍⵏ ⵙ ⵉⵣⵔⴼⴰⵏ ⴷ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ ⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⴰⵢⵏⴰⵙ 19 ⴽⵟⵓⴱⵕ 2020
| ⵜⴰⵙⵏⵜⴰⵢⵜ ⵜⴰⵣⵣⵔⴰⴼⵜ ⵏ ⵓⵙⵇⵇ ⵉⵎ ⴷ ⴰⵙⴳⵓⵎ ⵏ ⵓⵏⵎⵓⵇⵇⴰⵔ |
ⵖ ⵓⵎⵢⴰⵡⴰⵙ ⴷ ⵓⵎⵢⴰⵡⴰⴹ ⵏⴳⵔ ⵓⵙⵇⵇⵉⵎ ⴷ ⵜⵏⴱⴰⴹⵜ, ⵉⵙⵏⵎⴰⵍⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⵜⴰⵙⵎⵓⵏⵉ ⵖ ⵉⵃⴰⴹⵕ ⵎⴰⵙⵙ ⴰⵎⴰⵡⵙⴰⵙ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⵍⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ ⴷ ⵜⵏⵙⵙⵉⵅⴼⵜ ⴷ ⵉⵏⵏⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ.
ⵖ ⵜⵣⵡⵉⵔⵉ ⵏ ⵜⵙⵎⵓⵏⵉ, ⵉⵙⴰⵡⵍ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴷ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⴼ ⵡⴰⵜⵉⴳ ⵏ ⵉⵎⵛⴰⵡⴰⵕⵏ ⴰⴷ ⴷ ⵜⵏⴱⴰⴹⵜ ⵖ ⵉⵃⴰⴹⵕ ⵓⵎⴰⵡⵙⴰⵙ ⵏ ⵓⵡⴰⵏⴽ ⵎⴰⵙⵙ ⵎⵓⵚⵟⴰⴼⴰ ⵔⵔⵎⵉⴷ, ⴰⵢⵍⵍⵉ ⵉⵜⵜⴰⵡⵙⵏ ⵖ ⵓⵏⵏⵓⵕⵥⵎ ⵏ ⵓⵎⵙⴰⵡⴰⵍ ⵉⴷⵔⴰⵏ ⴼ ⵉⵅⵎⵎⵉⵎⵏ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴼ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⵍⵍⵉ ⵙⵙⵓⵊⴰⴷⵏ ⵉ ⵓⵙⴷⵓⵙ ⵏ ⵓⵥⵟⵟⴰ ⴰⵣⵣⵔⴰⴼ ⵏ ⵜⵎⴰⵣⵉⵔⵜ ⵏⵏⵖ ⴷ ⵓⵙⵎⴽⵍ ⵏ ⵜⵎⵙⴰⵔⵉⵏ ⴳⴰⵏⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⵣⵔⴼⴰⵏⵉⵏ ⴷ ⵜⵡⵏⴰⴹⵉⵏ.
ⵉⵙⵎⵏⵉⴷ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵏⵙⵉⵅⴼ ⵏ ⵓⵙⵇⵇⵉⵎ ⵖ ⵓⵏⵎⵓⵇⵇⴰⵔ ⴰⴷ, ⴰⴱⵔⵉⴷ ⴰⴱⵕⵍⴰⵎⴰⵏⵉ ⵉⴳⴳⵓⵜⵏ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵓⵡⴰⵏⴽ ⵍⵍⵉ ⵉⴳⴰⵏ ⵢⴰⵏ ⵡⴰⵢⴷⴰ ⵉⵍⴰⵏ ⴰⵜⵉⴳ ⵖ ⵓⵙⵏⴰⵍ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴷ ⵜⵏⴱⴰⴹⵜ, ⴰⵢⵍⵍⵉ ⴼ ⵏⵉⵜ ⵙⴷⴷⵉⴷⵏ ⵉⴼⵔⴷⴰⵙ ⵏ ⵓⵙⵇⵇⵉⵎ ⵍⵍⵉ ⵏⵏⵓⵔⵣⵏⵉⵏ ⴰⴷ ⵢⵉⵍⵉ ⵡⴰⵜⵉⴳ ⴷⴰⵔ ⵜⵙⵏⵜⴰⵢⵜ ⵜⴰⵣⵣⵔⴰⴼⵜ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵖ ⵓⵖⴰⵡⴰⵙ ⵏ ⵜⵡⵓⵔⵉ ⵜⵓⵏⴱⵉⴹⵜ ⵙ ⵜⵙⵎⵓⵏⵉ ⵜⴰⵢⵢⵓⵔⴰⵏⵜ ⵉⵥⵍⵉⵏ ⵙ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⵙ ⵓⵎⵙⴰⵙⴰ ⴷ ⵜⵓⵎⴰⵢⵉⵏ ⵏ ⵓⵎⵏⵏⵉ 23 ⵏ ⵓⵙⵍⴳⵏ ⴰⵎⴰⴷⴷⴰⵙ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵜⵡⵓⵔⵉⵡⵉⵏ ⵏ ⵜⵏⴱⴰⴹⵜ ⴷ ⵓⵙⵓⵔⵙ ⴰⵣⵣⵔⴰⴼ ⵏ ⵉⴳⵎⴰⵎⵏ ⵏⵏⵙ.
ⵜⵙⵎⵏⵉⴷ ⵜⵏⵙⵙⵉⵅⴼⵜ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⵖ ⵜⵙⵎⵓⵏⵉ ⴰⴷ ⵜⵉⵏⴰⵡⵉⵏ ⴼ ⵜⵙⵏⵜⴰⵢⵉⵏ ⵏⵏⵙⵏ ⵍⴽⵎⵏⵉⵏ 209 ⵏ ⵜⵙⵓⵎⵔⵜ, ⴱⴷⴷⵏ ⴼ ⵡⴰⵜⵉⴳ ⵏⵏⵙⵏⵜ ⴷ ⵓⵏⵛⴽ ⵉⵃⵓⴷⴷⴰⵏ (13 ⵏ ⵜⵙⵓⵎⵔⵜ) ⵍⵍⵉ ⵉⵙⵖⵣⵏ ⵓⵙⵇⵇⵉⵎ ⵖ ⵜⵡⴰⵍⴰ ⴰⴷ, ⵉⴳⴰ ⵢⴰⵏ ⵓⵏⵛⴽ ⵉⴷⵔⵓⵙⵏ ⵍⵍⵉ ⵢⴰⴳⴳⵓⴳⵏ ⴼ ⵉⵏⴰⵔⵓⵣⵏ ⵏ ⴽⵓ ⵢⴰⵏ ⵉⵖ ⵏⵥⵕⴰ ⵜⵉⵕⵡⵉ ⵏ ⵜⵎⵢⴰⴷⴰⵙⵜ ⵜⴰⵣⵣⵔⴰⴼⵜ ⵏ ⴽⵉⴳⴰⵏ ⵏ ⵉⵙⴷⴰⵡⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ.
ⴱⴷⴷⵏ ⵉⵎⴷⵔⴰⵡⵏ ⵓⵍⴰ ⴼ ⵜⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⵍⵍⵉ ⴷ ⵢⵉⵡⵉ ⵓⴷⵓⵙⵜⵓⵔ ⵖ ⵓⵎⵏⵏⵉ 82 ⵍⵍⵉ ⵉⵙⴰⵡⴰⵍⵏ ⴼ ⵓⵙⴽⵔ ⵏ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵖ ⵓⵙⵉⴷⵔⵓⵙ ⵉ ⵜⵖⵔⵉ ⵏ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⵉⵍⵉⵏⵜ ⴳⵉⵙⵏⵜ ⵜⵉⵏ ⵜⵓⵣⵍⵜ, ⵉⵇⵇⴰⵏ ⴷ ⴰⴷ ⵢⵉⵍⵉ ⵓⵡⵇⵇⵔ ⵏ ⵓⵣⵎⵣ ⴰⴷ ⵙ ⴰⵢⵍⵍⵉ ⵉⵍⵍⴰⵏ ⵖ ⵓⴷⵓⵙⵜⵓⵔ.
ⵖ ⵜⵙⵎⵓⵏⵉ ⴰⴷ, ⵉⵙⴷⴷⵉⴷ ⵎⴰⵙⵙ ⴰⵎⴰⵡⵙⴰⵙ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⵍⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ ⴼ ⵓⵙⵏⴰⵍ ⵏⵏⵙ ⵉ ⵓⵙⵏⴼⴰⵔ ⴰⴷ ⴷ ⵓⵙⵓⵜⴳ ⵏ ⵜⵓⴳⴳⴰⵙ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵖ ⵢⵉⴳⵔ ⵏ ⵜⵙⵏⵜⴰⵢⵜ ⵜⴰⵣⵣⵔⴰⴼⵜ, ⴷ ⵎⴰⵙ ⴰ ⵜⵥⵍⴰⵢ ⵜⵏⴱⴰⴹⵜ ⵖ ⵜⵙⵎⵓⵏⴰⵢ ⵏⵏⵙ ⴰⴷⵖⴰⵔ ⵉⵥⵉⵍⵏ ⵉ ⵜⵙⵏⵜⴰⵢⵜ ⴰⴷ, ⵖⵎⴽ ⵍⵍⵉ ⵜⴼⴽⴰ ⴰⴷⴷⴰⴷ ⵏⵏⵙ ⴼ ⵎⵏⵏⴰⵡⵜ ⵜⵙⵓⵎⵔⵉⵏⵜ ⵉⵍⵉⵏⵜ ⴳⵉⵙⵏⵜ (15) ⵏ ⵜⵙⵓⵎⵔⵜ ⵉⴳⴰⵏ ⵜⴰⵎⵢⴰⵏⴰⵡⵜ, ⵔⴰ ⵜⵣⵣⵉⴳⵣ ⵓⵍⴰ ⵖ ⵓⵎⵢⴰⵡⴰⵙ ⴷ ⵓⵙⵇⵇⵉⵎ ⵃⵎⴰ ⴰⴷ ⵜⵜⵓⵍⴽⵉⵎ ⵜⵢⴰⴼⵓⵜ ⵍⵍⵉ ⵔⴰⵏ ⵉⴳⵏⵙⴰⵙⵏ ⵏ ⵜⵎⵜⵜⵉ.
ⵔⴰⴷ ⵉⵥⵍⵉ ⵓⵙⵇⵇⵉⵎ ⵢⴰⵜ ⵜⵖⵉⵎⵉⵜ ⵜⴰⵢⵢⵓⵔⴰⵏⵜ ⵖ ⵡⴰⵙⵙ ⵏ ⵓⵙⵉⵏⴰⵙ ⵉⴳⴳⵓⵔⴰⵏ ⵙ ⵓⵙⵏⵜⵉ ⵖ ⵏⵓⵡⴰⵏⴱⵉⵔ, ⵖⵎⴽ ⴰⵏⵏ ⴷ ⵓⵙⵏⴰⵍ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⵙ ⴽⵓ ⵉⵎⴰⵙⵙⵏ ⵓⵛⵛⵉⵍⵏ ⵉ ⵓⵙⴽⵔ ⵏ ⵜⵙⵎⵉⴳⴰⵍ ⵏⵏⵙⵏ ⵖ ⵓⵣⵣⵔⴰⴼ ⴷ ⵜⵉⴹⴰⴼ.
ⴱⴷⴷⵏ ⵉⵎⴷⵔⴰⵡⵏ ⴼ ⵡⴰⵜⵉⴳ ⵏ ⵉⴷⵍⵉⵙⵏ ⵉⵎⴰⵏⴰⵔⵏ ⵍⵍⵉ ⴷ ⵉⵙⵙⴼⵓⵖ ⵓⵙⵇⵇⵉⵎ ⴼ ⵜⵉⵔⵔⴰ ⵜⴰⵣⵣⵔⴰⴼⵜ, ⵍⵍⵉ ⵜⵜⴰⵡⵙⵏⵉⵏ ⵖⵎⴽ ⴰⵏⵏ ⴷ ⵡⴰⵎⵎⴰⵙ ⵏ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⵉⴱⵕⵍⴰⵎⴰⵏⵉⵢⵉⵏ ⵍⵍⵉ ⵉⵜⵜⵓⵙⴽⴰⵔⵏ ⵜⵉⴳⴰⵔⵉⵡⵉⵏ ⴰⴷ ⵖ ⵓⵙⵇⵇⵉⵎ ⵏ ⵉⵎⵓⵔⴰ, ⵉⴱⴷⴷ ⵓⵙⵉⵔⴰ ⵏ ⵓⵙⵇⵇⵉⵎ ⴼ ⵓⵙⴷⵓⵙ ⵏⵏⵙ ⵙ ⵜⵙⵓⴳⴰⵔ ⵍⵍⵉ ⵍⵍⴰⵏⵉⵏ ⵜⴰⵎⴰ ⵏ ⴽⵓ ⵉⴳⵎⴰⵎⵏ ⵏ ⵓⵙⵇⵇⵉⵎ ⵖ ⵢⵉⴳⵔ ⵏ ⵜⵖⵓⵔⵉ ⴷ ⵓⵔⵣⵣⵓ ⴷ ⵓⵎⵛⴰⵡⴰⵕ.