ⴰⴽⵜⵜⵓⵢ ⵡⵉⵙ 60 ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ, ⵜⵉⵏⴰⵡⵜ ⵜⴰⵏⴰⵎⵓⵔⵜ ⴼ ⵜⵣⵣⵉⴳⵣⵜ ⵜⴰⴷⵙⵜⴰⵔⵜ ⵏ ⵓⴱⵕⵍⴰⵎⴰⵏ ⴷ ⵉⵎⵏⴰⴷⵏ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ
ⴳ ⵓⵙⴰⵜⵉ ⵏ ⵓⵙⴼⵓⴳⵍⵓ ⵏ ⵓⴽⵜⵜⵓⵢ ⵡⵉⵙ 60 ⵏ ⵓⵙⴽⵔ ⵏ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⵙⵏⵎⴰⵍⴰ ⵓⴱⵕⵍⴰⵎⴰⵏ ⴰⵙⵙ ⵏ ⵓⴽⵕⴰⵙ 17 ⵉⵏⵏⴰⵢⵔ 2024 ⴳ ⵓⵙⵖⵉⵎ ⵏⵏⵙ ⴳ ⵕⵕⴱⴰⵟ ⵜⵓⵏⴰⵡⵜ ⵜⴰⵏⴰⵎⵓⵔⵜ ⵉⵥⵍⵉⵏ ⵙ ⵜⴱⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵉ ⵉⵎⴷⵔⴰⵡⵏ, ⵉⵖⵔⴰ ⵜⵜ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ.
ⴳ ⵜⵣⵡⵉⵔⵉ ⵏ ⵜⵉⵏⴰⵡⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵉⵍⵍⴰ ⵓⵙⵎⵏⵉⴷ ⵏ ⵓⵙⴰⵔⵓ ⴳⵉⵙ ⵉⴳⵣⵣⵓⵎⵏ ⵙⴳ ⵉⵏⴰⵡⵏ ⵉⴳⵍⴷⴰⵏⵏ ⵉⵎⴰⵢⵢⵓⵢⵏ ⵏ ⵓⵕⵥⵥⵓⵎ ⵏ ⵜⵙⵓⵜⵍⵉⵏ ⵜⵉⵣⵣⵔⴰⴼⵉⵏ ⵙ ⵓⵣⴷⴰⵢ ⴷ ⵜⵣⵣⵉⴳⵣⵜ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵙⴳ ⵜⴰⵙⵉⵎⴰⵏⵜ ⵏ ⵜⴳⵍⴷⵉⵜ.
ⵜⵉⵖⵉⵎⵉⵜ ⵜⴰⵎⵣⵡⴰⵔⵓⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⵜⵍⵍⴰ ⴼ ⵜⵣⵣⵉⴳⵣⵜ ⵜⴰⴷⵙⵜⴰⵔⵜ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ, ⴷ ⵓⵏⴳⵔⴰⵡ ⵏ ⵜⵙⵉⵏⵔⴰⵏⵜ ⵉⵍⵍⴰⵏ ⴳ ⴽⵉⴳⴰⵏ ⵏ ⵉⵡⴰⵏⴽⵏ ⵙⴳ ⴳⵉⵙⵏ ⵍⵎⵖⵔⵉⴱ, ⴰⵏⵛⴽ ⵏ ⵉⵡⴰⵏⴽⵏ ⵉⵎⵎⴰⵜⵜⵉ ⵙⴳ 45 ⴰⵔ 80.
ⵉⵜⵜⵓⵏⵏⴰ ⴳ ⵜⵉⵏⴰⵡⵜ ⵎⴰⵙ ⵉⵙⵜⵉ ⵍⵎⵖⵔⵉⴱ ⴰⵏⴳⵔⴰⵡ ⵏ ⵜⵙⵉⵏⵔⴰⵏⵜ ⵜⴰⴱⵕⵍⴰⵎⴰⵏⵉⵜ ⵙ ⵓⴷⵓⵙⵜⵓⵔ ⵏ 1962, ⵉⴼⵍ ⵜ ⴳ ⵉⵙⴳⴳⵯⴰⵙⵏ ⵏ 70, ⵢⴰⵖⵓⵍ ⴷⴰⵖ ⵙⵔⵙ ⵙ ⵓⴷⵓⵙⵜⵓⵔ ⵏ 1996, ⵎⵇⵇⴰⵔ ⵏⵉⵜ ⵉⵍⵍⴰ ⵓⵏⴳⵔⴰⵡ ⵏ ⵜⵙⵉⵏⵔⴰⵏⵜ ⵙ ⵓⴼⴽⵕⴰⴹ ⵏ ⵉⴳⵎⴰⵎⵏ ⵜⵜⴰⵡⴷⵜⴰⵢⵏⵉⵏ ⵙ ⵜⵖⴰⵔⴰⵙⵜ ⵜⴰⵔⵓⵙⵔⵉⴷⵜ.
ⵉⵍⵍⴰ ⵓⴱⴷⴷⴰⴷ ⵓⵍⴰ ⴼ ⵜⵣⴷⴰⵢⵜ ⵊⴰⵔ ⵜⵏⴱⴰⴹⵉⵏ ⵜⴰⵣⵣⵔⴰⴼⵜ ⴷ ⵜⵎⵣⵣⴳⴰⵔⵜ ⵍⵍⵉⵖ ⵉⵙⴰⵡⵍ ⵓⴷⵓⵙⵜⵓⵔ 1962 ⴼ ⵓⴱⵟⵟⵓ ⵊⴰⵔ ⵜⵏⴱⴰⴹⵉⵏ ⴷ ⵓⵎⵢⴰⵡⴰⵙ ⵏⵏⵙⵏ ⴳ ⵜⵓⵎⴰⵢⵉⵏ ⵣⴷⵉⵏⵉ ⴷ ⵓⵙⵜⴰⵢ ⴷ ⵜⵙⵉⵏⵔⴰⵏⵜ ⵜⴰⴱⵕⵍⴰⵎⴰⵏⵉⵜ ⴷ ⵓⵙⵖⵏ ⵏ ⵜⵎⵙⵜⴰⵢⵜ ⵜⴰⵙⵔⵜⴰⵏⵜ ⴷⴰⵜ ⵏ ⵓⴳⵍⵍⵉⴷ ⴷ ⵓⴱⵔⵍⴰⵎⴰⵏ.
ⵖⵎⴽ ⵍⵍⵉ ⵜⵜⵓⴼⴽⴰⵏ ⵉⵙⵉⵙⴼⵉⵡⵏ ⴼ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵙⵓⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵣⴷⴰⵢⵜ ⵊⴰⵔ ⵜⵙⵔⵜⴰⵢ ⵜⵉⵎⵉⵜⴰⵢ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.
ⵜⵉⵖⵉⵎⵉⵜ ⵜⵉⵙ ⵙⵏⴰⵜ ⵉⵙⵙⵉⵅⴼ ⵜⵜ ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵜⵍⵍⴰ ⴼ ⵜⵔⵙⴰⵍ ⴷ ⵜⵏⴰⵥⴰⵕⵉⵏ ⴷ ⵉⵎⵏⴰⴷⵏ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⴳⵉⵙ ⵉⵙⵎⵏⵉⴷⵏ ⴼ ⵜⵣⴷⴰⵢⵜ ⵊⴰⵔ ⵓⴱⵕⵍⴰⵎⴰⵏ ⴷ ⵜⵎⵙⴽⵔ ⵜⴰⴷⵉⵎⵓⵇⵔⴰⵟⵉⵜ, ⵜⴰⵣⵣⵉⴳⵣⵜ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉ ⴳ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ.
ⵉⵍⵍⴰ ⵓⵙⴷⴷⴻⴷ ⴳ ⵜⵖⵉⵎⵉⵜ ⴰⴷ ⴼ ⵡⴰⵜⵉⴳ ⵏ ⵓⵏⵏⵓⵕⵥⵎ ⵏ ⵓⴱⵕⵍⴰⵎⴰⵏ ⵍⵍⵉ ⵉⴳⴰⵏ ⵜⵉⵎⵔⵙⵍⵜ ⵜⴰⴳⵯⵏⵙⴰⵙⵜ ⴷ ⵓⵖⴱⴰⵍⵓ ⵏ ⵜⵎⵓⵛⴰ ⴷ ⵓⴼⴰⵔⵙ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵖⵎⴽ ⴰⵏⵏ ⴷ ⵎⴰⵙ ⴷ ⵉⵇⵇⴰⵏ ⵓⵙⵖⵍ ⵏ ⵓⵏⵏⵓⵕⵥⵎ ⵏ ⵓⴱⵕⵍⴰⵎⴰⵏ ⴼ ⴱⵕⵕⴰ.
ⵖⵎⴽ ⵍⵍⵉ ⵉⵍⵍⴰ ⵓⵙⵉⵙⴼⵉⵡ ⵏ ⵜⵏⴰⵥⴰⵕⵉⵏ ⵍⵍⴰⵏⵉⵏ ⴷⴰⵜ ⵏ ⵉⴱⵕⵍⴰⵎⴰⵏⵏ ⴷ ⵜⵡⵓⵔⵉ ⵜⴰⴱⵕⵍⴰⵎⴰⵏⵄⵜ ⴷ ⵜⴷⵉⵎⵓⵇⵔⴰⵟⵉⵜ ⵉⵜⵜⵓⵣⴰⵣⴰⵍⵏ, ⵉⵇⵇⴰⵏ ⴷ ⵓⵍⴰ ⵓⵙⵎⴰⵢⵏⵓ ⵏ ⵜⴱⵔⵉⴷⵉⵏ ⴷ ⵉⵎⴰⵙⵙⵏ ⵏ ⵓⵙⵡⵓⵔⵉ ⵏ ⵜⵎⵔⵙⵍⵜ ⵜⴰⴱⵕⵍⴰⵎⴰⵏⵉⵜ ⵃⵎⴰ ⴰⴷ ⵜⵙⵉⵜⵜⵉ ⵜⵉⵏⴰⵥⴰⵕⵉⵏⴰ ⴰⴷ.
ⵙⴰⵡⵍⵏ ⵉⵎⴷⵔⴰⵡⵏ ⵏ ⵜⴷⵉⵎⵓⵇⵔⴰⵟⵉⵜ ⵜⴰⴳⵯⵏⵙⴰⵙⵜ ⵙ ⵓⵙⵎⵏⵉⴷ ⵏ ⵜⵎⴰⵙⵙⴰⵏⵉⵏ ⵉⵡⵙⵏⵉⵏ ⴳ ⵓⵚⴽⵓ ⵏ ⵡⴰⵏⴰⵡ ⴰⴷⵉⵎⵓⵇⵔⴰⵟⵉ ⵉⴱⴷⴷⵏ ⴼ ⵜⵎⴷⵔⴰⵡⵜ ⵉⵕⵡⴰⵏ ⵏ ⵓⵏⵎⵓⵔⵉ.
ⴳ ⵜⵉⵏⴰⵡⵜ ⴰⴷ ⵜⴰⵏⴰⵎⵓⵔⵜ, ⵉⵍⵍⴰ ⵓⵙⵎⵖⵔ ⵏ ⵎⴰⵙⵙ ⴱⴰⴷⵉⵄⴰ ⵚⵚⵇⵍⵍⵉ ⴷ ⵎⴰⵙⵙⴰ ⵍⴰⵟⵉⴼⴰ ⴱⵏⵏⴰⵏⵉ ⵙⵙⵎⵉⵔⵙ ⴳⴰⵏⵉⵏ ⵜⵉⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵎⵣⵡⵓⵔⴰ ⵜⵜⴰⵡⵙⵜⴰⵢⵏⵉⵏ ⴳ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵉⵙⴳⴳⵯⴰⵙⵏ 90 ⵏ ⵜⴰⵙⵓⵜ ⵉⵣⵔⵉⵏ.
ⴳ ⵜⴳⵉⵔⴰ, ⵜⴻⵜⵜⵓⵖⵔⴰ ⵜⴱⵔⴰⵜ ⵏ ⵜⴼⴷⵙⵜ ⴷ ⵓⵙⵓⴼⵓ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⵙ ⵜⵎⵍⴷⴰ, ⵜⵜⵓⴼⴽⴰ ⵜⵔⵣⵣⵉⴼⵜ ⵉ ⵎⴰⵙⵙ ⵊⴰⵎⵄ ⴱⵉⴹⴰⴰⵏⵎⵀⴰⵍ ⵏ ⵡⴰⵕⵛⵉⴼ ⵏ ⵍⵎⵖⵔⵉⴱ ⵙⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ, ⴼ ⵜⵡⵉⵙⵉ ⴳ ⵓⵙⵏⴰⵎⴰⵍ ⵏ ⵓⵙⴼⵙⵔ ⵏ ⵜⵓⵍⴰⴼⵉⵏ ⴷ ⵜⴻⵜⴳⴰⵔⵉⵏ ⵅⴼ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉⵜⵜⵓⵙⴽⴰⵔⵏ ⵙ ⵜⵎⵍⴷ ⴰⴷ.