ⴰⵙⵏⵓⴱⴳ ⵏ ⵓⴽⴰⴱⴰⵕ ⴰⵎⵖⵔⵉⴱⵉ ⵙⴳ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵔⵓⴱⴱⴰ

ⵉⵙⵏⵓⴱⴳ ⵎⴰⵙⵙ ⵜⵉⵏⵉ ⴽⵓⴽⵙ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⴰⴽⴰⴱⴰⵕ ⴰⵎⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⵉⴷⵔⵓⵏ ⴳ ⵜⵙⵓⵜⵍⵜ ⵏ 2022 ⵏ ⵜⵎⵙⵎⵓⵏⵜ ⴰⴷ ⵉⵍⵍⴰⵏ ⴳ 25 ⵏ ⵡⴰⵢⵢⵓⵔ ⴰⴷ.

ⵉⵙⴷⴷⵉⴷ ⵎⴰⵙⵙ ⵜⵉⵏⵉ ⴽⵓⴽⵙ ⴼ ⵓⴷⵖⴰⵔ ⵏ ⵓⵎⴷⵔⴰⵡ ⵉ ⵜⴷⵉⵎⵓⵇⵔⴰⵟⵉⵜ ⵉⵜⵜⵓⴼⴽⴰⵏ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ 2011, ⴷ ⵉⵏⴰⵔⵓⵣⵏ ⵣⴷⵉⵏⵉⵏ ⴷ ⵓⴷⵖⴰⵔ ⴰⴷ ⵃⵎⴰ ⴰⴷ ⵢⵉⵍⵉ ⵢⴰⵏ ⵓⵎⵢⴰⵡⴰⵙ ⵉⵣⵣⵉⴳⵣⵏ  ⵉ ⵓⴹⴼⵕ ⵏ ⵉⵎⴷⵔⴰⵡⵏ ⵉⵎⴰⵢⵏⵓⵜⵏ.

ⵢⵉⵏⵉ ⵓⵍⴰ ⵎⴰⵙ ⵉⴳⴰ ⵍⵎⵖⵔⵉⴱ ⴰⵎⴷⵔⴰⵡ ⴰⵎⵣⵡⴰⵔⵓ ⵉ ⵜⴷⵉⵎⵓⵇⵔⴰⵟⵉⵜ ⵙ ⵜⵣⵣⵉⴳⵣⵉⵏ ⵍⵍⵉ ⵉⵙⴽⵔ ⵙ ⵓⵣⴷⴷⵓⵢ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ, ⵉⵇⵇⴰⵏ ⴷ ⵓⵍⴰ ⴰⴷ ⵉⴳ ⴰⵎⴷⵔⴰⵡ ⴰⵅⴰⵜⴰⵔ ⵍⵍⵉ ⵉⵥⴹⴰⵕ ⴰⴷ ⵉⴼⴽ ⴽⵉⴳⴰⵏ.

ⵜⵙⵏⵉⵎⵎⵔ ⵜⵏⵙⵙⵉⵅⴼ ⵏ ⵓⴽⴰⴱⴰⵕ ⴰⵎⵖⵔⵉⴱⵉ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ  ⴼ ⵓⵅⵎⵎⴻⵎ ⵉⴼⴽⴰ ⵉ ⵜⵉⵔⵎⵉⵜ ⵖⵜⴰⵎⵖⵔⵉⴱⵉⵜ, ⵜⵉⵏⵉ ⵎⴰⵙ ⴷ ⵇⵇⴰⵏⵜ ⵜⵡⵡⵓⵔⵉⵡⵉⵏ ⵢⴰⴹⵏⵉⵏ ⴰⴽⴷ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⵓⴱⴰⵔⴰⵣ ⴰⴷ.

ⴼ ⵜⵎⵏⴰⴹⵉⵏ ⵏ ⵉⴼⴼⵓⵙ, ⵉⵙⴰⵡⵍ ⵓⵎⵙⵜⴳⴳⴰⵔ ⵏ ⵓⵔⵓⴱⴱⴰ ⴼ ⵓⵙⵏⴰⵍ ⵏⵏⵙ ⵉ ⵡⴰⴷⴷⴰⴷ ⴰⵎⵖⵔⵉⴱⵉ ⵙ ⵎⴰⴷ ⵉⵍⵍⴰⵏ ⴳ ⵓⴱⵔⵉⴷ ⵏ ⵜⵎⵜⵜⴰ ⵎⵓⵏⵏⵉⵏ.

ⵔⴰⴷ ⵉⴷⵔⵓ ⵓⴽⴰⴱⴰⵕ ⴰⵎⵖⵔⵉⴱⵉ ⴳ ⵜⵡⵡⵓⵔⵉ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⴷⵉⵎⵓⵇⵔⴰⵟⵉⵜ ⴷ ⵜⵉⵏ ⵜⵖⴰⵡⵙⵉⵡⵉⵏ ⵜⵉⵣⵔⴼⴰⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵣⵡⴰⴳ ⴷ ⵉⵎⵣⵡⴰⴳⵏ,, ⵜⵉⵖⴰⵡⵙⵉⵡⵉⵏ ⵜⵉⵏⴰⵎⵓⵏⵉⵏ, ⵜⴰⴷⵓⵙⵉ, ⵜⵉⴳⵎⵉ ⵜⴰⵙⵓⵍⴰⵏⵜ, ⵜⴰⴷⵍⵙⴰ ⴷ ⵜⵎⴰⵙⵙⴰⵏⵉⵏ ⴷ ⵓⵙⵙⵍⵎⴷ ⴷ ⵓⵙⵏⵖⵎⵙ, ⴷ ⵜⵙⵇⵇⵉⵎⵜ ⵏ ⵢⵉⵙⴽⵉⵍ ⴷ ⵓⵙⵉⵜⵜⵉ ⵏ ⵓⵙⵏⵓⵃⵢⵓ.