ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵉⵎⴰⵡⵙⴰⵙⵏ ⴷ ⵉⵏⵙⵙⵉⵅⴼⵏ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵜⴳⵍⴷⵉⵜ ⵏ ⴽⴰⵎⴱⵓⴷⵢⴰ

ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 22 ⴷ 23 ⵏⵓⵡⴰⵏⴱⵉⵔ 2022 ⵉⵎⴹⴰⴽⴰⵕⵏ ⴷ ⵓⵏⵙⵙⵉⵅⴼ ⵏ ⵉⵎⴰⵡⵙⴰⵙⵏ ⴳ ⴽⴰⵎⴱⵓⴷⵢⴰ ⵎⴰⵙⵙ Hun Sen ⴷ ⵎⴰⵙⵙ Samdech Heng Samrin  ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ, ⴷ ⵎⴰⵙⵙ Say Chhum ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ,  ⵙ ⵜⵎⵍⴷⴰ ⵍⵍⵉⵖ ⵉⴷⵔⵓ ⴳ ⵜⵙⵓⵜⵍⵜ ⵜⵉⵙ 43 ⵏ ⵜⵎⵙⵎⵏⵓⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⵉⵍⵍⴰⵏ ⵙⴳ 20 ⴰⵔ 25 ⵏⵓⵡⴰⵏⴱⵉⵔ 2022 ⴳ ⵜⴳⵍⴷⵉⵜ ⵏ ⴽⴰⵎⴱⵓⴷⵢⴰ ⴷⴷⵓ ⵜⵎⴰⵜⴰⵔⵜ: ⴰⴷ ⵏⵣⵣⵉⴳⵣ  ⵉ ⵜⵣⵍⵖⴰ ⵏ ⵜⵎⵜⵜⵉⵡⵉⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⵉⴳⴰⵏ ⵜⴰⵙⵓⵍⴰⵏⵜ ⵜⴰⵎⴰⵜⴰⵢⵜ.

ⴳ ⵓⵎⴹⴰⴽⴰⵕ ⴰⴷ, ⵉⵍⵍⴰ ⵓⵙⴷⴷⵉⴷ ⴼ ⵡⴰⴷⴷⴰⴷ ⵉⵙⵓⵍⵏ ⵏ ⵜⴳⵍⴷⵉⵜ ⵏ ⴽⴰⵎⴱⵓⴷⵢⴰ ⴳ ⵓⵙⵏⴰⵍ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ, ⵙⵍⴰⵡⴰⵏ ⴰⴽⴽⵯ ⵍⵍⵉ ⵉⵟⵟⴰⴼ ⵓⵙⵇⵇⵉⵎ ⵏ ⵉⵎⵓⵔⴰ ⴼⵔⵉⵙ ⵏ ⵓⴳⵎⴰⵎ ⵉⵎⵥⵕⵉ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ, ⵖⵎⴽ ⴰⵏⵏ ⵓⵍⴰ ⴼ ⵓⵙⴷⵙⵓ ⵏ ⵜⵣⴷⴰⵢⵉⵏ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴷ ⵓⵎⵢⴰⵡⴰⴹ ⵉⵙⵓⵍⵏ, ⴷ ⵓⵣⴷⴰⵢ ⴰⵏⵎⴰⵏⴰⴹ ⴷ ⵓⴳⵔⴰⵖⵍⴰⵏ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ. 

ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵜⵉⵕⵡⵉ ⵏ ⵜⵣⴷⴰⵢⵉⵏ ⵉⵙⵎⵓⵏⵏ ⴰⵙⵇⵇⵉⵎ ⵏ ⵉⵎⵓⵔⴰ ⴳ ⵍⵎⵖⵔⵉⴱ ⴷ ⵓⴱⵕⵍⴰⵎⴰⵏ ⴰⴽⵓⵎⴱⵓⴷⵉ, ⵉⵖⵔⵉ ⵉ ⵓⵙⵎⵖⵔ ⵏⵏⵙⵏⵜ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ, ⵉⵙⴷⴷⵉⴷ ⴼ ⵡⴰⵜⵉⴳ ⵏ ⵉⵏⵎⵓⵇⵇⴰⵔⵏ ⴰⴷ ⴳ ⵜⵙⵓⵍⴰⵏⵜ ⵏ ⵓⵎⵢⴰⵡⴰⴹ ⴰⴱⵕⵍⴰⵎⴰⵏⵉ ⵉⵕⵡⴰⵏ, ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴷ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⴼ ⵜⵎⵙⴰⵔⵉⵏ ⵜⵓⵏⴱⵉⴹⵉⵏ ⴷ ⵜⴱⴰⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ, ⵉⵙⵙⴽⵯⵜⵉ ⴷ ⵜⴰⵎⴰⵙⴰⵢⵜ ⵉⵍⵍⴰⵏ ⴷⴰⵜ ⵏ ⵉⴱⵕⵍⴰⵎⴰⵏⵉⵢⵏ ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⵏⵎⵏⴰⴹ ⴷ ⵓⴳⵔⴰⵖⵍⴰⵏ ⵉ ⵓⵙⴷⵓⵙ ⵏ ⵓⵎⵙⴰⵡⴰⵍ ⴷ ⵓⵏⵔⴰⵎⴰⵙ ⴷ ⵓⵣⴷⴰⵢ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵛⵛⴰⵔⵏⵉⵏ ⵃⵎⴰ ⴰⴷ ⵜⵉⵍⵉⵜ ⵜⴳⵎⵉ ⴷ ⵥⵥⵀⵕⵜ ⵉⵛⵛⴰⵔⵏ, ⴰⵢⵍⵍⵉ ⵏⵉⵜ ⵜⵏⵏⵓⵔⵣ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ.

ⵉⵏⵏⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⵔⴰⴷ ⴰⵡⵙⵏ ⵉⵔⵣⴰⴼⵏ ⴰⴷ ⴳ ⵓⵙⴷⵓⵙ ⵏ ⵓⵎⵙⴰⵡⴰⵍ ⴷ ⵓⵎⵢⴰⵡⴰⴹ ⵉⵕⵡⴰⵏ ⴷ ⵜⵓⵙⵙⵏⴰ ⵏ ⵜⵣⵣⵉⴳⵣⵜ ⵉⵍⵍⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴼ ⵉⵙⵡⵉⵔⵏ ⴰⴷⵙⵜⴰⵔ ⴷ ⵓⵣⵔⴼⴰⵏ ⴷ ⵡⵉⵏ ⵜⵏⴼⵔⵓⵜ  ⴷ ⵜⵥⴹⴰⵕⴰⵏⵜ ⴷ ⵓⵡⵏⴹⴰⵏ ⴷ ⵓⴷⵓⵙⴰⵏ ⴷ ⵓⵏⴰⵎⵓⵏ, ⴷ ⵜⵣⵣⵉⴳⵣⵜ ⵜⴰⵎⵔⵙⵍⴰⵏⵜ ⵉⵍⵍⴰⵏ ⴳ ⵜⵎⵔⴰⵡⵜ ⵉⴳⴳⵓⵔⴰ, ⴷ ⵓⵎⵎⵉⵥⵏ ⵍⵍⵉ ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ, ⴰⵢⵍⵍⵉ ⴰⵙ ⵉⴼⴽⴰⵏ ⴰⴷⵖⴰⵔ ⵉⵥⵉⵍⵏ ⴷⴰⵔ ⴽⵉⴳⴰⵏ ⵏ ⵜⴳⵔⴰⵡⵉⵏ ⴷ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵉⵙⵡⵉⵔⵏ ⴰⵎⵏⵥⴰⵡ ⴷ ⵓⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ.

ⵖⵎⴽ ⵍⵍⵉ ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ ⴳ ⴽⵓ ⵉⵙⵡⵉⵔⵏ ⴷ ⵜⵉⵍⴰⵍ ⵏ ⵉⴱⵕⵍⴰⵎⴰⵏⵏ ⴷ ⵉⴱⵕⵍⴰⵎⴰⵏⵉⵢⵉⵏ ⴷ ⵓⵔⵣⵣⵓ ⵏ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵎⵣⵡⵓⵔⴰ ⵛⵛⴰⵔⵏⵉⵏ.

ⵉⴳⴰ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴳⵎⴰⵎ ⵉⵎⵥⵕⵉ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ, ⵢⵉⵍⵉ ⵓⵙⵉⵡⴹ ⴳ ⵜⵙⵓⵜⵍⵜ ⵜⵉⵙ 41 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⵉⵍⵍⴰⵏ ⴳ ⵀⴰⵏⵓⵢ ⵜⴰⵎⴰⵥⵓⵏⵜ ⵏ ⴼⵉⵜⵏⴰⵎ ⴳ ⵛⵓⵜⴰⵏⴱⵉⵔ 2022, ⴰⵢⵍⵍⵉ ⵉⴳⴰⵏ ⵜⵉⵎⵙⴽⵔⵜ ⵜⴰⵎⵣⵡⴰⵔⵓⵜ ⵍⵍⵉⵖ ⵉⴳⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵣⵡⴰⵔⵓ ⵍⵍⵉ ⴳⵉⵙ ⵉⴳⴰⵏ ⴰⴳⵎⴰⵎ ⴳ ⵉⵙⵡⵉⵔⵏ ⴰⵄⵕⴰⴱ ⴷ ⵓⴼⵔⵉⵇⵉ, ⴷ ⵜⵉⵍⴰⵍ ⵙⵜⴰⵡⵀⵎⵎⴰⵏⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⵢⴰⵡⴰⴹ ⵊⴰⵔ ⵉⵡⴰⵏⴽⵏ ⵏ ⵉⴼⵔⵉⵇⵢⴰ ⴷ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⵉ ⵓⵙⴷⵓⵙ ⵏ ⵜⵏⴼⵔⵓⵜ ⴷ ⵓⵔⴳⴳⵉⴳ ⴰⴳⵔⴰⵖⵍⴰⵏ ⴷ ⵓⵙⴷⵓⵙ ⵏ ⵜⴳⵎⵉ ⴷ ⵥⵥⵀⵕⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ  ⴰⴷ ⵜ ⵉⵏⵚⵕ ⵕⴱⴱⵉ.

ⵉⴷⵔⵓ ⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵜⵍ ⴰⴷ ⵎⴰⵙⵙ ⴰⵃⵎⴰⴷ ⵜⵡⵉⵣⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ ⴷ ⵎⴰⵙⵙ ⵎⵓⵚⵟⴰⴼⴰ ⵜⴰⵔⴼⵉⵢⴰ ⵉⵍⵍⴰⵏ ⴼ ⵜⵡⵡⵓⵔⵉⵡⵉⵏ ⵏ ⵜⵎⵙⵇⵇⴰⴷⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⵏ ⴳ ⵜⵜⴰⵢⵍⴰⵏⴹ.