ⴰⵙⵎⴰⴷ ⵏ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵓⴹⴼⵕ ⵏ ⵜⴰⵎⵓⵏⵜ ⵏ ⵓⴳⴰⵔⴰⵡ ⴰⵏⴳⵔⴰⵢ ⵙ ⵜⵉⵍⵉⵜ ⵏ ⵉⴱⵕⵍⴰⵎⴰⵏⵏ ⵏ ⵍⵎⵉⴽⵙⵉⴽ ⴷ ⵍⴱⵉⵔⵓ ⴷ ⴽⵓⵍⵓⵎⴱⵢⴰ ⴷ ⵛⵛⵉⵍⵉ
ⵉⵙⵏⵓⴱⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ 2 ⵎⴰⵕⵚ ⵜⴰⵙⵎⵓⵏⵉ ⵊⴰⵔ ⵓⵙⵇⵇⵉⵎ ⴷ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵓⴹⴼⵕ ⵏ ⵜⴰⵎⵓⵏⵜ ⵏ ⵓⴳⵔⴰⵡ ⴰⵏⴳⵔⴰⵢ ⵙ ⵜⵉⵍⵉⵜ ⵏ ⵉⴱⵕⵍⴰⵎⴰⵏⵏ ⵏ ⵍⵎⵉⴽⵙⵉⴽ ⴷ ⵍⴱⵉⵔⵓ ⴷ ⴽⵓⵍⵓⵎⴱⵢⴰ ⴷ ⵛⵛⵉⵍⵉ, ⵜⵓⵙⵙⵎⴰⴷ ⵙ ⵉⵙⵉⵡⴹ ⵉⵙⵏⴰⵍⵏ ⵜⴰⵙⵏⵜⴰⵢⵜ ⵏ ⵓⵏⴱⴰⴹ ⴰⵏⵉⵎⴰⵏ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ.
ⴳ ⵜⴳⵓⵔⵉ ⵏⵏⵙ, ⵉⵏⵏⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⴳⴰ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵙⴳ ⵜⵔⵙⴰⵍ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵉⵟⵟⴼ ⵍⵎⵖⵔⵉⴱ ⴷ ⵍⵎⵉⴽⵙⵉⴽ ⴷ ⵛⵛⵉⵍⵉ ⴷ ⵍⴱⵉⵔⵓ ⴷ ⴽⵓⵍⵓⵎⴱⵢⴰ ⴽⵉⴳⴰⵏ ⵏ ⵜⵥⴹⴰⵕⵉⵏ ⵜⵉⵏⴼⴳⴰⵏⵉⵏ ⴷ ⵜⵥⴹⴰⵕⵉⵏ ⴷ ⵉⵣⵓⵖⴰⵣ ⴷ ⵉⴳⴰⴷⴰⵔⵏ ⵏ ⵉⵙⵍⵎⴰⵏ ⴷ ⵉⵏⴼⵍⴰⵃⵏ ⴷⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⵖⵔ ⵏ ⵜⴷⵎⵙⴰ.
ⴰⵢⴷⴰ ⴰⵏⵏ ⵉⵍⵍⴰⵏ ⴳ ⵓⵙⴰⵜⵉ ⵏ ⵢⴰⵜ ⵜⵙⵜⵔⴰⵜⵉⵊⵉⵜ ⵢⵓⵎⴰⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⵏⴼⵔⵓⵜ ⴷ ⵓⵔⴳⴳⵉⴳ ⴷ ⵜⴳⵎⵉ ⵜⴰⴷⵎⵙⴰⵏⵜ, ⴷ ⵜⵣⵣⵉⴳⵣⵜ ⵏ ⵓⵎⵢⴰⵡⴰⵙ ⴳ ⵉⴼⵔⵉⵇⵢⴰ ⴷ ⵓⵏⵏⵓⵕⵥⵎ ⴼ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⵍⵍⵉ ⴷ ⵉⴷⵔⵓ ⵍⵎⵖⵔⵉⴱ ⴰⵎⵣⵔⵓⵢ ⴷ ⵉⵏⴰⵔⵓⵣⵏ ⵏ ⵉⵎⴰⵍ.
ⵢⵉⵏⵉ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵍⵍⴰⵏⵜ ⴳ ⵉⴼⵔⵉⵇⵢⴰ ⴳ ⵉⵍⵍⴰ ⵍⵎⵖⵔⵉⴱ ⵜⴰⵎⵓⵏⵉⵏ ⵜⵉⴷⵎⵙⴰⵏⵉⵏ, ⵖⵎⴽ ⴰⵏⵏ ⴷ ⵓⵕⵥⵥⵓⵎ ⵏ ⵜⵙⴳⴰ ⵏ ⵓⵙⵏⴼⵍ ⵉⵍⴻⵍⵍⵉ ⵉⵙⵎⵓⵏⵏ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⵖⵔ ⵏ ⵓⵎⵢⴰⵡⴰⵙ ⵊⴰⵔ ⵏⵏⵙⵏ ⴷ ⵜⴰⵎⵓⵏⵜ ⵏ ⵓⴳⴰⵔⴰⵡ ⴰⵏⴳⵔⴰⵢ.
ⵢⵉⵏⵉ ⵓⵍⴰ ⵎⴰⵣ ⵜⵥⴹⴰⵕ ⵜⴳⵍⴷⵉⵜ ⵙ ⵓⴷⵖⴰⵔ ⵏⵏⵙ ⵉⵥⵉⵍⵏ ⴷ ⵜⴷⵉⵏⴰⵎⵉⵜ ⵏⵏⵙ ⵜⴰⴷⵉⴱⵍⵓⵎⴰⵙⵉⵜ ⴰⴷ ⵜⴰⵡⵙ ⴳ ⵓⵎⵢⴰⴷⴰⵙ ⴰⴷ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵜⴳⴰ ⵜⴰⵎⴰⵣⵉⵔⵜ ⵜⴰⵎⴰⵣⵉⵔⵜ ⵜⴰⵎⵣⵡⵓⵔⵜ ⴳ ⵉⵙⵡⵉⵔⵏ ⴰⵄⵕⴰⴱ ⴷ ⵓⴼⵔⵉⵇⵉ ⵉⴳⴰⵏ ⴰⴳⵎⴰⵎ ⴳ ⵜⴰⵎⵓⵏⵜ ⴰⴷ ⵙⴳ 2014.
ⵉⵙⵏⵉⵎⵎⵔ ⵓⵍⴰ ⵜⴰⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⴼ ⵓⵙⵉⵡⴹ ⵏ ⴷⵓⵊⴰⵏⴱⵉⵔ 2020 ⵍⵍⵉⵖ ⵜⵙⵏⴰⵍ ⵉⵙⵡⵓⴷⴷⵓⵜⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵍⵍⵉ ⵜⵙⴽⵔ ⴳ ⵍⴳⵔⴳⴰⵔⴰⵜ , ⴷ ⵓⵙⵏⴰⵍ ⵏ ⵜⵓⴳⴳⴰⵙ ⵏ ⵍⵎⵖⵔⵉⴱ ⴳ ⵓⴼⵙⵙⴰⵢ ⵏ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⵙ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⴷ ⴰⴼⵙⵙⴰⵢ ⵉⵖⵣⴰⵏⵏ ⵏ ⵜⵉⵍⴰⵡⵜ.
ⵉⵙⴰⵡⵍ ⵎⴰⵙⵙ José Ramón Enríquez Herrera ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏ ⵍⵎⵉⴽⵙⵉⴽ ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵎⴰⵙ ⵜⵔⴰ ⵜⵙⵇⵇⵉⵎⵜ ⴰⵚⴽⵓ ⵏ ⵜⵣⴷⴰⵢⵉⵏ ⴷ ⵍⵎⵖⵔⵉⴱ ⴱⴷⴷⵏⵉⵏ ⴼ ⵓⵙⵏⴼⵍ ⴷ ⵜⴳⵯⵎⴰⵜ, ⵉⵙⵓⵜⴳ ⵙ ⵜⵡⵡⵓⵔⵉ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⵖⵎⴽ ⵍⵍⵉ ⵉⵙⴰⵡⵍ ⴼ ⵡⴰⵜⵉⴳ ⵏ ⵓⵎⴹⴰⴽⴰⵕ ⴰⴽⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴳ ⵉⴳⵔⴰⵏ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⵎⵙⴰⵔⵜ ⵏ ⵓⵣⵡⴰⴳ ⵍⵍⵉⵖ ⵜⴳⴰ ⵜⵎⴰⵣⵉⵔⵜ ⵏ ⵍⵎⵉⴽⵙⵉⴽ ⵜⵉⵙ ⴽⵕⴰⴹⵜ ⴳ ⵓⵎⴰⴹⴰⵍ ⴳ ⵓⴱⴰⵔⴰⵣ ⴰⴷ.
ⵉⵙⵓⵜⴳ ⵎⴰⵙⵙ José Luis Pérez Oyuela ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⴽⵓⵍⵓⵎⴱⵢⴰ ⵜⵉⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵍⵎⵖⵔⵉⴱ ⴷ ⴽⵓⵍⵓⵎⴱⵢⴰ, ⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵎⴷⵔⴰⵡ ⴰⵙⵜⵔⴰⵜⵉⵊⵉ ⴷ ⵜⴰⵡⵡⵓⵔⵜ ⵙ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⵏ ⴰⵄⵕⴰⴱ, ⵜⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵏⴰⵡ ⵉⵜⵜⵓⵙⴰⵏⵏ ⵙ ⵓⵎⵣⵔⵓⵢ ⵏⵏⵙ ⴷ ⵜⵣⵣⵉⴳⵣⵜ ⵏⵏⵙ ⵜⴰⴷⵎⵙⴰⵏⵜ.
ⵖⵎⴽ ⵍⵍⵉ ⵉⵙⴰⵡⵍ ⵓⵍⴰ ⴼ ⵓⵙⵡⵓⵔⵉ ⵏ ⴽⵓⵍⵓⵎⴱⵢⴰ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵔⵜⴰⵏⵉⵏ ⴷ ⵜⵥⴹⴰⵕⵉⵏ ⴷ ⵜⴷⵎⵙⴰⵏⵉⵏ ⴷ ⵜⴷⵍⵙⴰⵏⵉⵏ ⴷ ⵓⵙⴷⵓⵙ ⵏ ⵉⵙⵏⴼⵍⵏ ⵉⵙⵉⵏⵔⴰⵏⵏ ⴳ ⵉⴳⵔⴰⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵓⵙⵖⵏⵣⵉ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴷ ⵜⵎⴰⵍⵍⴰⵢⵜ, ⵉⵙⴰⵡⵍ ⵓⵍⴰ ⴼ ⵓⵙⵏⴰⵍ ⵏ ⴽⵓⵍⵓⵎⴱⵢⴰ ⵉ ⵜⵙⵏⵜⴰⵢⵜ ⵏ ⵓⵏⴱⴰⴹ ⴰⵏⵉⵎⴰⵏ ⵉⴳⴰⵏ ⴰⴼⵙⵙⴰⵢ ⵏ ⵜⵉⵍⴰⵡⵜ ⵉ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ.
ⵙⵉⵜⴳⵏ ⵉⵎⵓⵔⴰ ⵙⴳ ⵓⴽⵓⵏⴳⵯⵕⵉⵚ ⵏ ⵍⴱⵉⵔⵓ ⵎⴰⵙⵙⴰ Maria del Pilar Cordero Jon Tay ⴷ ⵎⴰⵙⵙ Alfredo Pariona Sinche ⵜⵉⵍⵉⵜ ⵏ ⵍⵎⵖⵔⵉⴱ ⴳ ⵜⴰⵎⵓⵏⵜ ⴰⴷ, ⵙⴷⴷⵉⴷⵏ ⵎⴰⵙ ⵜⵔⴰ ⵍⴱⵉⵔⵓ ⴰⵎⴰⵢⴰⵡⴰⵙ ⴰⵅⴰⵜⴰⵔ ⴳ ⵓⵙⴰⵜⵉ ⵏ ⵜⵎⴷⵔⴰⵡⵜ ⵉⴼⴼⵓⵙ-ⵉⴼⴼⵓⵙ, ⵜⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵉⴳⴰⵏ ⴰⵏⴰⵡ ⴷⴰⵔ ⵍⴱⵉⵔⵓ, ⵙ ⵜⵉⵔⵎⵉⵜⵉⵏ ⵏⵏⵙ ⴳ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵜⴷⵉⵎⵓⵇⵔⴰⵟⵉⵜ ⴷ ⵓⵣⵡⴰⴳ.
ⵉⴱⴷⴷ ⵎⴰⵙⵙ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵛⵛⵉⵍⵉ ⴷⴰⵔ ⵓⵙⵓⵔⵙ ⵉⵥⵉⵍⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵍⵍⵉⵖ ⵉⵣⵡⴰⵔ ⵙ ⵜⴳⵎⴰⵎⵜ ⵙⴳ ⵜⵎⵉⵣⴰⵔ ⵜⴰⵄⵕⴰⴱⵉⵏ ⴷ ⵜⵉⴼⵔⵉⵇⵉⵢⵉⵏ ⴰⴷ ⵢⵉⵍⵉ ⴳ ⵜⴰⵎⵓⵏⵜ ⴰⴷ ⵙⴳ 2014, ⵃⵎⴰ ⴰⴷ ⵉⴳ ⴰⵎⴷⵔⴰⵡ ⴰⵙⵔⵜⴰⵏ ⴷ ⵓⴷⵎⵙⴰⵏ ⴷ ⵓⴷⵍⵙⴰⵏ, ⵉⵎⵍ ⵜⴰⵥⴹⴰⵕⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵜ ⴳ ⵓⵎⵢⴰⵡⴰⵙ ⴷ ⵜⵎⵉⵣⴰⵔ ⵏ ⵎⴰⵔⵉⴽⴰⵏ.
ⵙⴰⵡⵍⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵉⵔⵎⵉⵜ ⵏ ⵜⵎⴰⵣⵉⵔⵜ ⵏⵏⵖ ⴳ ⵜⵎⵙⴰⵔⵉⵏ ⵏ ⵓⵣⵡⴰⴳ ⵍⵍⵉⵖ ⵜⴳⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵙⵓⵔⵙ ⵏ ⵓⵔⴳⴳⵉⴳ ⵓⵔ ⴷ ⵙⵓⵍ ⵡⵉⵏ ⵓⵎⵓⴷⴷⵓ ⵙ ⵓⵕⵓⴱⴱⴰ ⵖⵎⴽ ⴰⵏⵏ ⵓⵍⴰ ⵜⵉⵣⴷⴰⵢⵉⵏ ⵥⵉⵍⵏⵉⵏ ⵍⵍⴰⵏ ⵊⴰⵔ ⵍⵎⵖⵔⵉⴱ ⴷ ⵉⴼⵔⵉⵇⵢⴰ ⴳ ⵉⴳⵔⴰⵏ ⵏ ⵜⵙⴱⴱⴰⴱⵜ ⴷ ⵜⴷⵍⵙⴰ ⴷ ⵓⵙⴳⴷ.
ⴳ ⵜⴳⵉⵔⴰ, ⵜⵙⵙⴼⵓⵖ ⴷ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵓⴹⴼⵕ ⵏ ⵜⴰⵎⵓⵏⵜ ⵏ ⵓⴳⴰⵔⴰⵡ ⴰⵏⴳⵔⴰⵢ ⴰⵙⵉⵡⴹ ⴼ ⵓⵙⵏⴰⵍ ⵏ ⵜⵙⵏⵜⴰⵢⵜ ⵏ ⵍⵎⵖⵔⵉⴱ ⴳ ⵓⵏⴱⴰⴹ ⴰⵏⵉⵎⴰⵏ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵉ ⵜⵡⴰⴼⵉⵜ ⵏ ⵓⴼⵙⵙⴰⵢ ⵉ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ. ⵜⵙⵓⵜⴳ ⵓⵍⴰ ⵜⵉⵣⵡⵉⵔⵉ ⵜⴰⵄⵕⴰⴱⵜ ⴷ ⵜⴰⴼⵔⵉⵇⵉⵜ ⵏ ⵍⵎⵖⵔⵉⴱ ⵉ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ.
ⵃⴰⴹⵕⵏ ⴳ ⵓⵏⵎⵓⵇⵇⴰⵔ ⵉⵎⵓⵔⴰ: ⵎⴰⵙⵙ ⵎⵓⵃⴰⵎⵎⴰⴷ ⵍⵃⴰⴼⵉⴹ ⴷ ⵎⴰⵙⵙⴰ ⵃⴰⵢⴰⵜ ⵍⵄⵔⴰⵢⵛ, ⵙⴳ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴳ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ. ⵎⴰⵙⵙ ⵎⵓⵃⴰⵎⵎⴰⴷ ⵃⵎⵎⴰⵏ ⴷ ⵎⴰⵙⵙ ⵄⴰⴱⴷⵍⵄⴰⵍⵉ ⵍⴱⴰⵕⵓⴽⵉ, ⵙⴳ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴳ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵔⴰⵢⵉⴱ, ⵎⴰⵙⵙ ⵎⵓⵃⴰⵎⵎⴰⴷ ⵜⵡⵉⵎⵉ ⴱⵏⵊⵍⵍⵓⵏ, ⵙⴳ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴳ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ.