ⵜⵉⵡⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵏ ⵜⵎⵙⴰⵔⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵓⵙⵉ ⴷ ⵜⴳⵎⵉ ⵜⴰⵙⵓⵍⴰⵏⵜ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵙ ⵜⴷⵔⴰⵡⵜ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ
ⵍⵍⴰⵏ ⵜ ⵖ ⵜⵖⵔⵎⵜ ⵏ ⵡⴰⵎⵓⵔ ⵏ ⵡⴰⴽⵓⵛ, ⴰⴽⵡⴰⵙ 16 ⵎⴰⵕⵚ, ⵜⵉⵡⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵏ ⵜⵎⵙⴰⵔⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵓⵙⵉ ⴷ ⵜⴳⵎⵉ ⵜⴰⵙⵓⵍⴰⵏⵜ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵔⵓⴱⴱⴰ.
ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉⵏ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵜⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵎⴰⵙⵙⴰ Olena Khomenko ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⴳⵎⴰⵎⵏ ⵏ ⵜⴰⵢⵢⴰⵡⵜ ⵜⴰⴱⵔⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ ⴷ ⵎⴰⵙⵙⴰ ⵉⵎⴰⵏ ⵍⵎⴰⵡⵉ ⴷ ⵎⴰⵙⵙ ⴷⵔⵉⵙ ⵙⵙⵏⵜⵉⵙⵉ ⴷ ⵎⴰⵙⵙ ⵄⴰⴱⴷⵓⵍⵍⴰⵀ ⴱⵓⵡⴰⵏⵓ ⴷ ⵎⴰⵙⵙ ⵄⵍⵍⴰⵍ ⵍⵄⵎⵕⴰⵡⵉ ⴷ ⵎⴰⵙⵙ ⵃⴰⵙⴰⵏ ⵓⵎⵔⵉⴱⵟ ⴷ ⵎⴰⵙⵙ ⵃⴰⵙⴰⵏ ⵄⴰⵔⵉⴼ.
ⴳ ⵜⴳⵓⵔⵉ ⵏⵏⵙ, ⵉⵏⵏⴰ ⵎⴰⵙⵙ ⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵜⴳⴰ ⵜⴷⵔⴰⵡⵜ ⵉⵍⵍⴰⵏ ⵊⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵜⴰⴷ ⵉⴳⴰⵏ ⴰⵏⴰⵡ ⵉⵖⵥⴰⵏⵏ ⵉⵟⵟⴰⴼⵏ ⵜⴰⵢⵢⴰⴼⵓⵜ, ⴰⵔ ⵜⵙⵏⴰⵍ ⵜⴰⴷⵔⴰⵡⵜ ⵉⵍⵍⴰⵏ ⵊⴰⵔ ⵍⵎⵖⵔⵉⴱ ⴷ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵊⴰⵔ ⵍⵎⵖⵔⵉⴱ ⴷ ⵉⴳⵎⴰⵎⴰⵏ ⵏ ⵓⵙⵇⵇⵉⵎ ⴳ ⵓⵙⴰⵜⵉ ⴰⵙⵉⵏⵔⴰⵏ.
ⴳ ⵜⵖⵉⵎⵉⵜ ⵏ ⵓⵏⵏⵓⵕⵥⵎ, ⵜⵙⵎⵏⵉⴷ ⵜⵏⵙⵙⵉⵅⴼⵜ ⵏ ⵓⴽⴰⴱⴰⵕ ⵏ ⵍⵎⵖⵔⵉⴱ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵔⵓⴱⴱⴰ ⵎⴰⵙⵙⴰ ⵙⴰⵍⵎⴰ ⵍⵄⵣⵉⵣ ⵜⴰⴳⵓⵔⵉ ⴳ ⵜⵙⴷⴷⵉⴷ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵉⵍⵍⴰⵏ ⴳ ⵜⵎⴰⵣⵉⵔⵜ ⵜⴰⴼⵔⵉⵇⵉⵜ ⵜⴰⵎⵍⴷⴰ ⵏ ⵓⵎⵏⵥⴰⵡ ⵉ ⵓⵙⵓⵊⴷ ⵏ ⵜⴰⵏⵏⴰⵢⵜ ⵏⵏⵙ ⵅⴼ ⵜⵉⵏⴰⵥⴰⵕⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵓⵙⴰⵏⵉⵏ ⴷ ⵜⵡⵏⴹⴰⵏⵉⵏ ⵍⵍⴰⵏⵉⵏ ⴷⴰⵜ ⵏ ⵓⵕⵓⴱⴱⴰ ⴷ ⵓⵎⴰⴹⴰⵍ.
ⵜⵉⵏⵉ ⵓⵍⴰ ⵎⴰⵙ ⵉⴳⴰ ⵓⵎⵢⴰⵡⴰ ⴰⴽⴷ ⵜⴰⵎⵙⵎⵓⵏⵜ ⵜⴰⴱⵔⵍⴰⵎⴰⵏⵉⵜ ⴷ ⵉⵎⴷⵔⴰⵡⵏ ⵏⵏⵙ ⵡⴰⴷ ⵉⵙⵜⴰⵡⵀⵎⵎⴰⵏ ⴳ ⵓⵣⵎⵣ ⵏ ⵖⵉⵍⴰⴷ ⴳ ⵍⵍⴰⵏⵜ ⵜⵏⴰⵥⴰⵕⵉⵏ ⵜⵉⵙⴳⴰⵡⴰⵏⵉⵏ ⴷ ⵜⵎⵏⵥⴰⵡⵉⵏ ⴷ ⵜⴳⵔⴰⵖⵍⴰⵏⵉⵏ ⵍⵍⴰⵏⵉⵏ ⴷⴰⵜ ⵏ ⵓⴱⵕⵍⴰⵎⴰⵏ, ⵜⵉⵏⴰⵥⴰⵕⵉⵏ ⵜⵉⵙⵔⵜⴰⵏⵉⵏ ⴷ ⵜⵉⵏ ⵜⵏⴼⵔⵓⵜ ⴷ ⵜⴷⵓⵙⴰⵏⵉⵏ ⴷ ⵜⵉⵏ ⵓⵜⵛⵓ ⵙⵖⴰⵡⵙⴰⵏⵜ ⵜ ⵜⵡⵉⵣⵉ ⵊⴰⵔ ⵉⴱⵕⵍⴰⵎⴰⵏⵉⵢⵏ.
ⵜⵉⵏⵉ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ ⵎⴰⵙ ⵉⵙⴼⵓⴳⵍⴰ ⵍⵎⵖⵔⵉⴱ ⴰⴽⵜⵜⵓⵢ ⵡⵉⵙ 12 ⵏ ⵓⵙⵔⵙ ⵏ ⵓⵎⴷⵔⴰⵡ ⵉ ⵜⴷⵉⵎⵓⵇⵔⴰⵟⵉⵜ, ⵉⵔⴰ ⴰⵙⵓⵔⵙ ⵉⵣⵣⵉⴳⵣⵏ ⴳ ⵜⵣⴷⴰⵢⵜ ⵏⵏⵙ ⴰⴽⴷ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵙ ⵓⵎⵎⵉⵥⵏ ⵍⵍⵍⵉ ⵉⵙⴽⵔ ⴳ ⵓⵙⵕⵚⵓ ⵏ ⵜⴷⵉⵎⵓⵇⵔⴰⵟⵉⵜ ⴷ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏⴷ ⵓⵡⵇⵇⵔ ⵏ ⵜⵍⴻⵍⵍⵉ ⵏ ⵡⴰⵡⴰⵍ.
ⴳ ⵡⴰⵙⵙ ⴰⵎⵣⵡⴰⵔⵓ, ⵙⵎⵏⵉⴷⵏ ⵉⵎⵓⵣⴰⵢⵏ ⴷⴰⵜ ⵏ ⵜⵙⵇⵇⵉⵎⵜ ⵜⵉⵏⵏⴰⵡⵉⵏ ⴼ ⵜⵣⴷⴰⵢⵜ ⵊⴰⵔ ⵉⵎⴰⵙⵙⵏ ⵏ ⵓⵙⵏⵖⵎⵙ ⴷ ⵉⵄⵔⵔⵉⵎⵏ, ⴷ ⵜⵙⵜⵔⴰⵜⵉⵊⵉⵜ ⵏ ⵓⵙⵎⴰⵜⵜⵉ ⴰⵥⴹⴰⵕⴰⵏ ⴰⵙⵓⵍⴰⵏ ⴳ ⵍⵎⵖⵔⵉⴱ.
ⵉⵍⵍⴰ ⴳ ⵓⵖⴰⵡⴰⵙ ⵏ ⵜⵡⵡⵓⵔⵉ ⵏ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⴷ ⵜⴷⵓⵙⵉ ⴷ ⵜⴳⵎⵉ ⵜⴰⵙⵓⵍⴰⵏⵜ ⴰⵙⵖⵣⵏ ⵏ ⵉⵙⵏⴼⴰⵔⵏ ⵏ ⵉⵏⵇⵇⵉⵙⵏ ⵏ ⵜⵙⵎⵓⵏⴰⵢ ⵣⵔⵉⵏⵉⵏ ⴳ ⵙⵜⵔⴰⵙⴱⵓⵔⴳ ⴷ ⵓⵙⵔⵓⵙ ⵏ ⵡⴰⴽⵓⴷ ⴷ ⵓⴷⵖⴰⵔ ⵏ ⵜⵙⵓⵜⴰⵍ ⵍⵍⵉ ⵔⴰⴷ ⵢⴰⵛⴽ.
ⵖⵎⴽ ⵍⵍⵉ ⵔⴰⴷ ⵢⵉⵍⵉ ⵓⵍⴰ ⵓⴷⵔⴰⵡ ⵏ ⵉⵎⵔⵙⵡⵉⵏ ⴼ ⵓⴼⵔⴰⴳ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⴷ ⵡⴰⵡⵏⴰⴹ ⴳ ⵓⵙⵖⵏⵣⵉ ⴰⴳⵔⴰⵖⵍⴰⵏ, ⴷ ⵓⵙⵔⵓⵙ ⵏ ⵜⵎⵢⴰⴷⴰⵙⵜ ⵜⴰⵎⴰⵜⴰⵢⵜ ⴼ ⵜⵏⵓⴼⴰ ⵜⵉⴷⵓⵙⴰⵏⵉⵏ, ⴰⵙⵎⴰⵜⵜⵉ ⴰⵥⴹⴰⵕⴰⵏ ⴰⵙⵓⵍⴰⵏ, ⴰⵣⵔⴼ ⴳ ⵜⵣⴷⵓⵖⵜ, ⴷ ⵡⵉⵢⵢⴰⴹ.
ⴳ ⵎⴰⴷ ⵉⵣⵍⵉⵏ ⵙ ⵜⵙⵎⵓⵏⵉ ⵏ ⵓⵥⵟⵟⴰ ⵏ ⵉⴱⵕⵍⴰⵎⴰⵏⵉⵢⵏ ⵉ ⵡⴰⵡⵏⴰⴹ ⵉⴼⵓⵍⴽⵉⵏ, ⵔⴰⴷ ⵢⵉⵍⵉ ⵓⵙⵎⵏⵉⴷ ⵏ ⵜⵉⵔⵎⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵡⴰⵎⴰⵏ ⵏ ⵜⵉⵙⵙⵉ, ⴷ ⵓⵙⵏⴼⵍ ⵏ ⵜⵥⴹⴰⵕⵜ ⵉⵖⵓⵙⵏ ⴷ ⵜⵣⵣⵉⴳⵣⵜ ⵉⵍⵍⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⴰⴷ, ⴷ ⵓⵙⵏⵎⴰⵍⴰ ⵏ ⵜⵙⵡⴰⵔⵉⵏ ⴳ ⵜⵙⴷⴰⵡⵉⵜ ⵏ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉⵍⵍⴰⵏ ⴳ ⵜⵖⵔⵎⵜ ⵏ ⴱⵏⴳⵔⵉⵔ.